消防處今日（9月29日）聯同西貢區防火委員會及消防處社區應急先鋒名譽會長會（西貢區）於西貢賽馬會大會堂舉行「西貢區物聯網火警偵測系統專題講座暨樓宇應急先鋒課程」，介紹「物聯網火警偵測系統」嘅應用範圍同埋實際運作機制，又為參加者提供「樓宇應急先鋒」訓練同講解，裝備佢哋為自己嘅大廈消防安全把關！

「物聯網火警偵測系統」為需要改善消防安全水平嘅舊式樓宇用戶提供替代方案，解決成本高、工程時間長等難題。

• 速度快：安裝時間短，加快提升消防安全
• 成本低：減低成本，輕鬆符合消防安全規定
• 智能監測：全天候無間斷，確保系統有效運作

「樓宇應急先鋒」課程內容包羅萬有，全方位為市民及樓宇持份者裝備防災應急知識。

• 識別火警隱患：識別防煙門未關、逃生途徑受阻等問題，即時跟進
• 第一時間應變：一旦發生火警，可以正確使用大廈嘅消防喉轆或滅火筒進行初期撲救，並協助鄰居（尤其係行動不便嘅長者）有序逃生，救人自救
• 懂得急救技能 ：學懂施行心肺復甦法、操作自動心臟除顫器以及其他急救技能，隨時出手救人

消防處更向出席市民派發「防災應急包」，保障佢哋同家人安全。

消防處會繼續同社區各界並肩協作，善用科技同知識攜手建設更安全、更安心嘅安樂窩！